Te Oranga
Ngā hono oranga
Kei konei ā mātou kaitohutohu ako hei āwhina. Mēnā he raru tōu e pā ana ki ō mahi ako me whiwhi tautoko, tēnā whakamōhiotia mai. Ahakoa kāore pea e taea te āwhina tika i a koe, ka taea pea te tuku i a koe ki tetahi atu māna pea koe e awhina.
Tēnā pea ka āwhina i a koe ētahi o ngā hono kei raro.
Ko te Skylight he tarahiti kaupapa aroha ā-motu ka āwhina i ngā tamariki, ngā rangatahi, ō rātou whānau me ō rātou hoa ki te puta ora atu i ngā wā whētuki, whakamomori me te pōuritanga.
He hōtaka āwhina whaiaro ā-rorohiko a SPARX kua hoahoatia mā ngā tamariki 12–19 ō rātou tau hei āwhina i a rātou kua pāngia ki te hākerekere, te pāpōuri rānei, mēnā he anipā, he pōkaikaha rānei koe.
He paetukutuku The Lowdown hei āwhina i te hunga rangatahi o Aotearoa ki te tautohu me te mātau ki te pāpōuri, te anipā rānei. He kōrero āwhina kei tēnei pae mō te anipā, te pāpōuri (me ētahi atu take e pā kino ana ki a koe, pēnei i te wehe i te kura, te noho rata ki ō mātua) tae atu ki:
- ngā ataata o ngā tāngata tūturu 14 e kōrero ana i ā rātou ake kōrero
- ngā mahi e tere oti mō te hanga i te oranga ā-hinengaro
- ngā whanonga hauora hei whakapakari i a koe
- ngā wāhi hei tono āwhina
- ngā mōhiohio mō tētahi tangata e āwangawanga ana ki tētahi hoa
- he wānanga e aroturukitia ana mā te hunga rangatahi e tiritiri ai rātou i ngā kōrero me ngā wheako, me te whakarato tautoko tetahi i tetahi.
He ratonga whakamahereora koreutu a What’s Up? mā ngā tamariki me ngā rangatahi. Kei te paetukutuku ngā tino kupu āwhina mō te whānuitanga o ngā taumahatanga e waea nuitia ai rātou, tae atu ki te whakaweti, te mokemoke, te whakarekereke whānau, ngā hononga me te pāpōuri.
He pokapū ture hapori koreutu te Youth Law mā ngā tamariki me te hunga rangatahi puta noa i te whenua. He wāhi pai tēnei mō te mōhio haere ki ō motika me te ture.
Ka mahi tahi a Youthline me ngā tāngata ahakoa ō rātou āhuatanga, ahakoa ngā ahurea, ahakoa he aha ngā mea e haere ana i ō rātou ao. Whakapā atu ki a rātou me ō āwangawanga – he mea nui, iti rānei – mā te pātuhi, te īmēra, te waea, ā-tinana rānei.