Akotahi ki a mātou

Ka tīmata te Kura Raumati o Te Kura mai i te 19 o Hakihea 2023 ki te 9 o Huitanguru 2024. 

Kua tūwhera ngā rehita i te 6 o Whiringa-ā-rangi 2023 ki te 26 o Kohitātea 2024.

E wātea ana kia urutomo ngā rā e whai ake nei: 

• 6 o Whiringa ā-rangi 2023 – Ākonga kei ngā Kura
• 6 o Whiringa ā-rangi 2023 – Ākonga Taiohi
• 20 o Whiringa ā-rangi 2023 – Ākonga Pakeke
• 18 o Hakihea 2023 – Ko ngā ākonga ukiuki, ko ngā ākonga taiohi rānei o Te Kura

Ko te Kura Raumati he Kura:

• Mā ngā ākonga kei te kura e oti ana i a rātou te NCEA ki te kura e kuraina ana rātou.
• Mā ngā taiohi (16-19 tau) e whakaaro ana kia whai mahi akoranga, whai mahi rānei.
• Mā ngā pakeke (E 20 tau, pakeke ake) e whai whiwhinga ana kia anga whakamua, ki te ako kia tae rānei ki ētehi momo whare wānanga.

Ngā ākonga mahi Kura Raumati:

• He kirirarau nō Aotearoa, he tangata noho tūturu, he ākonga noho whare whakararata rānei
• E noho ana ki Aotearoa
• Kei te rēhita ana kia oti te Tiwhikete NCEA, kua whakaaengia rānei tō noho mai hei ākonga:
• Kia 12 ngā whiwhinga (ki te rēhita mai i mua i te 15 o Kohitātea 2024)
• E 6 ngā whiwhinga (ki te rēhita mai i te 15 o Kohitātea 2024)

Ki te kore koe e mōhio mēnā ka whakaaengia tō urutomo, he pātai rānei mō te rahi o ngā whiwhinga e whai ana koe, waeahia te rāngai Kura Raumati 0800 65 99 88 #1, īmera rānei ki a summerschool@tekura.school.nz.

• Kāore he utu mō ngā ākonga kei ngā kura, kei ngā kura hourua anō hoki
• Kāore he utu mō ngā taiohi (16-19 ngā tau) e eke nei ki ngā tikanga urutomo o Te Kura
• He ākonga pakeke (E huri ana ki te 20 pakeke ake o ngā tau) he $116 te utu whakahaere mō ia marau

Kei konei Ngā Ture Urutomo a Te Kura.

Urutomo mai mā te ipurangi whārangi o Te Kura.

• NCEA Taumata 1: Te Reo Ingarihi, Kaupapa Māori, Pāngarau, Pūtaiao, Te Reo Māori
• NCEA Taumata 2: Te nuinga o ngā marau (ētehi paerewa)
• NCEA Taumata 3: Te nuinga o ngā marau (ētehi paerewa)

Tirohia te rārangi kaupapa mō ngā kaupapa Kura Raumati

Kei te ipurangi katoa ngā mahi a Te Kura. He pūnaha ipurangi. Ka tiki ake i ngā mahi mā te rorohiko me te ipurangi. Ka taea te ako ki te wāhi e hiahia ana. Ahakoa te wāhi, te wā me te whānui, kei a koe te tikanga.

Pānuihia mō My Te Kura

E akiaki ana mātou i ngā ākonga kia whakaraupapahia i ō rātou whāinga me tētahi kaiako i mua i te Kura Raumati. Waeahia tō kaiako mō ētahi āwhina i a koe i Te Kura. Ka pau i a koe te 10 haora mō te whiwhinga kotahi.

Whakapā atu ki ngā kaiako mēnā he pātai āu mō ngā mahi. Kei konei rātou ki te āwhina i a koe. Ka mutu tō urutomo mai, ka tukuna ā rātou nama waea, īmera anō hoki ki a koe.

Whakapā atu ki Tari Āwhina i ngā Ākonga me ngā Whānau mō ngā whakamāramatanga ki My Te Kura. E watea mai i te 8am-5pm mai i te Rāhina-Rāmere.

• Ngā urutomo Kura Raumati: Whakapā atu ki te Tari Kura Raumati 0800 65 99 88 #1, īmera rānei ki a summerschool@tekura.school.nz
• Mō ngā pātai ako Ipurangi whakapā atu ki te Tari Āwhina i ngā Ākonga me ngā Whānau 0800 65 99 88 #2, īmera rānei hub@tekura.school.nz

Ka kati Te Kura hei te poupoutanga o te rā hei te 22 o Hakihea 2023, ka huakina anō hei te 3 Kohitātea 2024.

Māu anō ngā mahi e mahi ana me te whakahoki mai kia eke ai koe ki ō whāinga.

Ko te 9 o Huitanguru 2024 te rā whakamutunga kia tuku mai, kia mana ai ō whiwhinga Kura Raumati i te tau 2023. Ka kite ai i te Pūrongo Ako 2023 hoki. He motuhake tēnei mā ngā ākonga e haere ana ki te Whare Wānanga.

Kia mōhio mai koe, me whai wā te kaiako ki te māka i ngā mahi me te whakahoki kōrero ki te ākonga. Me mōhio anō, a tērā pea me whakatika i ngā mahi me te tuku anō. Kaua e tatari ki te rā whakamutunga ki te tuku mahi mai. E kore e whai wā ki te whakatika i ngā mahi.

Ki te kore e oti i a koe ngā aromatawai i te wā tika, he huarahi anō e taea ai koe te whai kia riro i a koe ō whāinga ako:

• Ki te hoki koe ki tō kura, kōrerohia ōu whāinga me ngā kaiako o tō kura.
• Ki te kore koe e hoki ki te kura, ka tautokongia tonutia koe e Te Kura a tērā. Me kōrero mai ki a mātou kia noho tonu koe ki ngā rārangi ākonga o Te Kura i te mutunga mai o te kura Raumati.

Mēnā i tētehi atu kura tuarua i tēnei tau 2023, ka tuku mātou i ō whiwhinga ki tō kura. Ko tā te mahi o tō kura he tuku i ō māka ki a NZQA hei uru ki tō Pūrongo Ako 2023. Whakamōhio atu ki tō kura kua urutomo koe ki te Kura Raumati a Te Kura e taea ai te Māngai Tūmuaki o tō kura te whaiwhai i ō māka.

Mēnā i urutomo koe ki tētehi atu kura tuarua i tēnei tau 2023:

• Ko ngā whiwhinga ka riro i a koe i te Kura Raumati, ka tukuna tere ko tētahi īmera ki te Māngai Tūmuaki ki tō kura. Mā rātou ō whiwhinga e tono ki a NZQA kia kitea ō māka ki tō Purongo Ako 2023.
• Ki te kore e kite i ō māka ki tō Purongo Ako 2023, tatari kia whitu rā, kātahi whakamōhio atu ki tō kura. Kua kati tō kura mai i te Hakihea ki te Kohitātea nā reira me whakamōhio atu ki a rātou kua urutomo koe ki te Kura Raumati a Te Kura.

Ko Te Kura tō kura i tēnei tau 2023:

• Mai i te Kohitātea 2023, ko ō whiwhinga i te Kura Raumati ka tukuna ki a NZQA kia kite ai ō māka ki tō Pūrongo Ako 2023.
• Ki te kore ō māka e puta mai i tō Pūrongo Ako 2023, kia pau te 10 rā, īmera atu ki a quals@tekura.school.nz. Tukuna ko tō ingoa, tō nama ākonga me ngā nama paerewa e ngaro ana.

Kāore koe i haere ki tētehi kura tuarua i te tau 2023:

• Kāore e taea ōu whiwhinga ki te Kura Raumati kia hoki ki te tau 2023. Ka kite mai i aua māka ki tō Pūrongo Ako hei te Kohitātea o 2025.
• Ko te Paengawhāwhā o 2024 te wā moata ki te whakaae mai kia kite ō māka ki tō Pūrongo Ako. Ki te hiahiatia ō māka e tō mahi, whare wānanga rānei, ka īmerahia tō mātou Tari Mātauranga ki a koe me te tohu i te huarahi me whai, kia whakahoungia ō māka ki tō Pūrongo Ako hei te Paengawhāwhā o 2024.

Kei te mōhio pai mātou he nui te eke o te ākonga ki te tautokongia te ākonga e tana kura tonu. Ka mahitahi mātou me ngā kura ki te tautoko i te ākonga me te tutuki anō i ngā kawenga whakaao tonu o NZQA.

Ki te tuku mai i tō ākonga ki te Kura Raumati a Te Kura. Me whakamōhio atu ki te ākonga he aha ngā marau hei urutomo me te rahinga hoki o ngā whiwhinga me riro. Whakamōhio atu i ngā āhuatanga mahi me te momo aro e eke ai ki ngā whāinga. Me whakapā atu hoki ki te kaiako.

Kotahi noa iho te Pūrongo Ako a te ākonga ia tau o te kura. Ko ngā whiwhinga ka riro i te ākonga mai i te Kura Raumati, ka tukuna ki tō kura tawhito. Ko ngā whiwhinga ka riro i te ākonga tonu, ka whai hua ki ngā whiwhinga NZQA. Ka pēwhea taku kura e tautoko i ngā ākonga kia riro ko ngā whāinga mā Te Kura Raumati o Te Kura.

E whā ngā huarahi tautoko ākonga ki Te Kura Raumati:

• Urutomo: Ka tohu mai ngā kura i ngā ākonga ka urutomo ki Te Kura Raumati. Ka tūwhera mai te urutomo hei te Whiringa ā-rangi.
• He wāhi ako: E taea ana ngā kura te whakarite wāhi ako me te whakamahi rorohiko, ipurangi anō hoki i te wā o te Kura Raumati.
• Tautoko Akoranga: E taea ana ngā kura te whakaako, te ārahi rānei ki ō rātou wāhi ako i te wā o te Kura Raumati.
• Whai mahi hei Kaiako Kura raumati: Nau mai ki tō mātou kāhui ako Kura Raumati o Te Kura me te tautoko anō i ngā ākonga kei tō rohe tonu.

Kia tohu mai i ō hiahia kia tū hei kaiako Kura Raumati ki Te Kura, whai i tēnei hono Te Kura Careers Centre

Mō te roanga o ngā kōrero mō Te Kura Raumati o Te Kura, ki te hiahia rānei kia mahitahi, īmerahia: summerschool@tekura.school.nz