Ngā ture me ngā here
1. Pūkete Pūmātauranga
Me whakaū Te Kura i tā te ākonga pūkete pūmatauranga i tōna kura tōmua tae noa mai ki te wā whakauru. Me whakaoti rawa te tumuaki, te kaiako akomanga rānei o te kura tōmua i tētahi kōtaha mātauranga ākonga ki te tonoa. Mēnā kua kuraina te ākonga i te kāinga, me whakarato ngā kōrero e te whānau. Ka whakamārama te tauākī matatapu kei raro nei mā wai e āhei te uru ki aua mōhiohio. Mēnā he āwangawanga ōu, whakapā mai.
2. Matatapu
E whakaritea ana kia kohikohi mōhiohio whaiaro a Te Kura mai i ngā ākonga hei tautuku ki ngā whakaritenga a Te Tāhuhu o Te Mātauranga me te Ture Mātauranga 1989. Ka whakamahia aua mōhiohio hei whakarato i te anga whakamua taha mātauranga me te anga whakamua whānui o te ākonga, mō te kawe anō hoki i ngā mahi a te kura.
Ka whakarato pea te kura i aua mōhiohio ki rōpū kē mēnā e whai pānga ana ki te mātauranga, hauora, oranga, haumaru rānei o te ākonga, i te wā whakauru ki Te Kura, me muri atu anō hoki. Kei roto i aua rōpū kē ko ngā tari kāwanatanga pēnei i Te Tāhuhu o Te Mātauranga, Te Mana Tohu Mātauranga o Aotearoa, me Te Manatū Whakahiato Ora, me ngā kaiwhakarato mātauranga tuihono e tūtohu ana a Te Kura hei kaiwhakarato rauemi whai hua hei turuki i āna anō akoranga. Ka whakaratohia pea hoki te ingoa ākonga, te tau tuakiri me te wāhitau īmēra ki ngā kaiwhakarato tuihono ki te whakangāwari i te rēhita ki ā rātou paetukutuku. Mā te tuku tono whakauru, ka whakamana te ākonga i te kura ki te whakarato i ngā mōhiohio whaiaro pēnei ki rōpū kē e ai ki te tauākī tūmataitinga.
I raro i te Ture Mātauranga 1989 me Ngā Aratohu Whakahaere ā-Motu, kua whai motika ngā mātua me ngā kaitiaki ki te uru ki ngā mōhiohio e pā tika ana ki ngā take e pā ana ki te mātauranga o ā rātou tamariki.
I raro i te Ture Matatapu 1993, ka ahei Te Kura te tuku i ētahi atu mōhiohio whaiaro e puritia ana e Te Kura mō tētahi ākonga ki taua ākonga anake. Ka tukuna anake ngā mōhiohio whaiaro mō tētahi ākonga ki rōpū kē, tae atu ki ngā mātua me ngā kaitiaki, me te whakaaetanga ā-tuhi a te ākonga, i ngā wā hoki e kī ana te Te Ture Matatapu ka whakaaetia tētahi aweretanga.
Kei a koe te motika ki te uru me te tono whakatikanga ki ngā mōhiohio whaiaro e puritia ana e te kura. Tēnā tukua mai ā-tuhi tō tono ki te Āpiha Matatapu o Te Kura.
Ko ērā atu tono mōhiohio whaiaro mō tētahi ākonga kāore e āta hāngai ki tōna mātauranga me tuku mā te tono ā-tuhi ki te Āpiha Matatapu o te kura
Whakamōhiotia mai te kura ki ō āwangawanga mō ngā mōhiohio e puritia ana e mātou e pā ana ki tēnei whakaurunga.
Tirohia tā mātou wāhanga Matatapu mō ngā kōrero anō.
3. Tirotiro
Mēnā ehara te kaitirotiro i kōharitia i roto i te tono, i kōharitia i muri atu rānei, i te matua, kaitiaki rānei o te ākonga, me pēnei rawa te matua, kaitiaki rawa:
- e mōhio ana koe ki te tangata i kōharitia hei kaitirotiro ākonga
- me whakapono ka taea e ia te ākonga te tirotiro i runga i te tōtika, ā, he tangata ora, he tangata tika ia hei mahi hei kaitirotiro, ā, kāore e noho mōrea ana te ākonga
- kia kaua e mōhio ki tētahi mea hei whakaatu kāore ia i te tika ei kaitirotiro ākonga (tae atu engari e kore e herea ki ētahi whiu taihara o mua).
Ka whakaūngia tenei e tō whakaae ki te tauākī whakapuakanga i te tono whakauru a to ākonga.
4. Motuhēhēnga
Me whakarite a Te Kura nā te ākonga anō ngā mahi ka tāpaetia kia aromatawaia. Me whakarite e te Ākonga, te Kaitirotiro rānei o ētahi ākonga e whakauru ana ki ngā akoranga kia mārama ia nā te ākonga anō ngā mahi ka tukuna kia aromatawaia. Ka mātaihia pea ngā mahi ka tāpaetia kia aromatawaia e ngā pūmanawa kite tārua whānako.
Ko te tikanga o tēnei:
- E herea ana te ākonga ki te tāpae i ā rātou ake mahi kia aromatawaia. Mēnā e mahi tuihono ana i te taiao ako tuihono o Te Kura, ka whakaaetia e te ākonga tētahi tauākī motuhēhē i te tīmatanga o ia akoranga. Ka whakamaharatia āno hoki te ākonga ki ngā whakaritenga motuhēhē mō ngā mahi aromatawai katoa i te wā tāpae.
- Mō ngā akoranga ko te whiwhi tohu ā-motu mō Aotearoa te whāinga. me tirotiro pea ētahi mahi aromatawai. Ka urua ēnei, ka hoatu rānei ki te Kaitirotiro, ā, me whakaoti rawa i te taha o te Kaitirotiro, me mahi rawa mā te whai i ngā here whakamātautau, ā, me whakahoki rawa ngā aromatawai kua oti i te ākonga ki te pouakataka kua tohua i Tōku Kura. Me oti rawa i te ākonga te tauākī motuhēhē tuihono, me hoatu i te ingoa o te kaitirotiro me te hononga o te kaitirotiro ki a ia ina tukuatu i te mahi aromatawai ki te pouakataka kua tohua i Tōku Kura. E pēnei ana te tikanga mō ngā whakamātautau katoa. E whakamahia ai ngā otinga whakamātautau whakaharatau hei taumata he mea ahu mai i aua māka, me tutuki i ngā whakaritenga whakamātautau ngā whakaritenga NZQA mā te whai Kaitirotiro Whakamātautau e noho motuhake ana i te ākonga me tōna whānau. Me whakamana rawa te tuakiri o te Kaitirotiro me tōna hononga ki te ākonga e tētahi tangata whai mana i roto i te hapori.
Ka whakaūngia tenei e tō whakaae ki te tauākī whakapuakanga i te tono whakauru a to ākonga.
5. Ngā amuamu
Ka āhei ngā ākonga me ō rātou tāngata tautoko te matapaki i ngā hiahia ako me ngā āwangawanga o ngā ākonga ki ngā kaimahi o Te Kura. Ki te kore e taea te āwangawanga te whakatatū, he manatūnga amuamu ōkawa ō Te Kura E āhukahuka ana a Te Kura kia tau te wairua o tētahi e tuku amuamu ana, kia tautokona ia, kia mōhio hoki kāore e whakatikia te ākonga nā tana tuku i te amuamu.
Tirohia Ngā amuamu mō ngā mōhiohio e pā ana ki te tukanga amuamu.
6. Hangarau Whakawhitiwhiti Mōhiohio
Mā te whakamarutanga me te haumaru o ngā ākonga e whakauru ana ki Te Kura tēnei Whakaaetanga Whakamahi Ākonga i te Hangarau Whakawhitiwhiti Mōhiohio i Te Kura.
Ina whakamahi i te hangarau whakawhitiwhiti mōhiohio kāore pea e taea e Te Kura te ārai i ngā wā katoa ngā rawa kāore i te tika. Kia kite i te aratohu o ngā momo rawa e kitea ana e Te Kura hei mea kāore i te tika, haere ki te paetukutuku Netsafe.
Nā reira kei a koe te kawenga kia:
- kaua e āta uru ki ngā rawa pēnei
- kaua e tohatoha i ēnei momo rawa mā te tārua, te tā, te īmēra, te tare rānei ki te ipurangi, tētahi atu arapāho rānei, ā,
- kia kaua e whai wāhi ki aua momo rawa.
Me whakamahi anake te hangarau whakawhitiwhiti mōhiohio mō ngā take mahi kura, ā, kia kaua e whakamahia mō te pūtake ka tūkino, ka tūkino pea i tangata kē.
Ki te tūpono mōhio koe, ka tūpono uru koe rānei ki ngā rawa kāore i te tika i te hangarau whakawhitiwhiti mōhiohio a Te Kura, me pūrongo wawe tonu ki tō kaiako.
Kei Te Kura te motika ki te aroturuki i ō whakawhitiwhitinga, ō mahi, ō raraunga rānei e pā ana ki ngā hangarau whakawhitiwhiti.
He kaupapahere Haumaru ā-Ipurangi hoki tō Te Kura mō te whakamaru me te haumaru o āna ākonga
Ka whakaūngia tenei e tō whakaae ki te tauākī whakapuakanga i te tono whakauru a to ākonga.
7. Wātea akoranga
Me tango e Te Kura, me whakatiki te tokomaha e whakauru ana rānei, ki tētahi akoranga i ngā wā katoa. Mēnā ka whakauru koe ki tētahi akoranga ka tangohia i muri atu, e whakatikia ai rānei te tokomaha o ngā whakaurunga, mā mātou e whakapā ki a koe ki te matapaki i ētahi atu kōwhiringa. Tirohia Ngā marau me ngā akoranga kia kitea ngā mōhiohio hou rawa mō ngā akoranga wātea me te āheitanga
8. Ngā tūemi mā ngā ākonga e whakarato
Ko te whakaritenga mō ētahi marau, māu āu ake rauemi e whakarato, ngā utauta ororongo/ataata hoki/rānei, ngā pukapuka ako hoki/rānei. Mēnā ka tuihono tō akoranga me whai urunga koe ki tētahi rorohiko me te ipurangi. Hei whakamahi i ngā rauemi ororongo/ataata me whai urunga koe ki ngā utauta e hiahiatia ana ki te whakahaere, te whiwhi rānei i aua rauemi.
Ka whakarite pea ētahi atu akoranga kia whakarato koe i ētahi rawa, taputapu hoki/rānei.
Tirohia Ngā kaupapa me ngā akoranga kia kitea ai ngā mōhiohio tino hou rawa mō ngā akoranga wātea, me ngā rawa. taputapu me ngā pukapuka e hiahiatia ana mō ia akoranga.
E wātea tuihono ana, e whakamahi rauemi tuihono ana, te nuinga o ngā akoranga Te Kura. Me whai rorohiko koe ka taea te tūhono ki te ipurangi mō te whakauru ki aua akoranga. Me āta whakarite kei a koe taua urunga, ka māraurau pea mō tā mātou hōtaka Rorohiko Kawekawe me te Tūhonohono i mua i te whakauru ki tētahi akoranga tuihono.
Tirohia te Rorohiko Kawekawe me te Tūhonohono mō ngā mōhiohio mō tā mātou pūrere me te hōtaka āwhina ipurangi.
9. Ngā utu me te kaupapahere whakahoki moni a Te Kura
Kāore he utu mō ngā ākonga e tutuki ai i a rātou ngā paearu whakauru whaiutu a Te Tāhuhu o Te Mātauranga.
Pakeke
Ka utaina he Utu Whakahaere mō ia akoranga ki runga i ngā whakaurunga pakeke katoa. Me utu te utu katoa i te wā whakauru, kāore e taea te utu harangote.
Kāore e taea te Utu Whakahaere te whakahoki ā muri i te otinga o te tukanga whakauru.
Ngā kaiutu utunga
Ka utaina he utu Whakaakoranga ki runga i ngā whakaurunga Utu Utunga katoa mō ia akoranga, hōtaka rānei. Me utu te utu katoa i te wā whakauru, kāore e taea te utu harangote. Ka utaina he utu haurua tau ki ngā ākonga e whakauru ana i muri i te 30 o Pipiri.
Ka whakahokia e te waru tekau ōrau o ngā utunga akoranga he mea utu e te ākonga utu utunga mēnā ka whiwhi mātou i te tono wehe i mua i te rā mōnehu, ko te kotahi marama tērā i muri i te otinga o te whakaurunga.
Kei te Kaiwhakahaere Tautoko Ākonga me te Whānau i ngā whakahokinga utu mō ngā tono wehe i tua atu i te kotahi marama, ā, ka whai whakaarohia anake pea ina kitea he āhuatanga tine rerekē.
Tirohia Ngā utu mō ngā rahinga o te Utu Whakahaere Whakaakoranga me te Utu Whakaakoranga.
10. Te roa o te whakauru
Ngā Ākonga Pakeke
Ka toro atu te wā o te whakaurunga kia oti rā anō ngā aromatawai akoranga katoa e hāngai ana, tae atu ki te mutunga o te tau, te mea tuatahi o ēnei ka tūpono.
Ki te kore e rite tonu ō whakahoki mahi ka tangohia koe i te rārangi ingoa.
Me utu he utunga whakaakoranga whakahaere anō ki te hiahia koe te whakauru anō hei whakaoti i tētahi akoranga, te whakauru rānei ki tētahi akoranga hou.
Ngā Ākonga Utu Utunga
Ka toro atu te wā o te whakaurunga kia oti rā anō ngā aromatawai akoranga katoa e hāngai ana, tae atu ki te mutunga o te tau, te mea tuatahi o ēnei ka tūpono.
Me utu he utunga whakaakoranga whakahaere anō ki te hiahia koe te whakauru anō hei whakaoti i tētahi akoranga, te whakauru rānei ki tētahi akoranga hou.
Ngā Ākonga Wā Kikī me ngā Ākonga Taiohi
Ka āhei Ākonga Wā Kikī me ngā Ākonga Taiohi te noho whakauru tonu tae atu ki te mutunga o te tau kura e huri ai ō rātou tau ki te 19. Kei te āhua o tā te ākonga whakatutuki tonu i ngā paearu māraurau he mea whakatau e Te Tāhuhu o Te Mātauranga te whakauru haere tonu o te ākonga.
Ki te kore e rite tonu ō whakahoki mahi ka tangohia koe i te rārangi ingoa.
Ngā Ākonga Kōhungahunga
Ka āhei ngā ākonga Kōhungahunga te noho whakauru tonu kia huri rā anō ō rātou tau ki te 6. Kei te āhua o tā te ākonga whakatutuki tonu i ngā paearu māraurau he mea whakatau e Te Tāhuhu o Te Mātauranga te whakauru haere tonu o te ākonga.
11. Ngā whakamātautau
Ka āhei te mahi i ngā whakamātautau mō ngā paerewa e aromatawaia ana ā-waho i tāwāhi mēnā ka tutuki ētahi paearu. (Kāore tēnei e hāngai ki ngā ākonga kei Ngā Kuki Airani, kei Niue rānei.)
Ko ngā whakaritenga:
- kia kaua koe e noho ana i Aotearoa i te wā o ngā whakamātautau NCEA i Aotearoa (ko te tikanga, i te tīmatanga o Whiringa-ā-rangi ki ngā rā tuatahi o Hakihea i ia tau)
- me whakauru koe mā tō mātou:
- waharoa wā kikī, TĒRĀ RĀNEI
- mā tō mātou waharoa utu utunga mō ngā marau NCEA e toru i te iti rawa.
- me ea rawa i a koe ngā whakaritenga NZQA mā te whai kaitirotiro whakamātautau e noho motuhake ana i te ākonga me tōna whānau. Me whakamana rawa te tuakiri o te kaitirotiro me tōna hononga ki te ākonga e tētahi tangata whai mana i roto i te hapori.
Kia mōhio:
- Ka mahia ngā whakamātautau i tāwāhi i waenga o Whiringa-ā-nuku, ā, ka whakaritea mā Te Kura.
- Kāore koe e āhei te mahi i ngā whakamātautau Karahipi o Aotearoa i tāwāhi.
- Anei ētahi tauira o tō te tangata tūnga whai mana i te hapori:
- He Rōia, he Rata kua rēhitatita, ā, e mahi ana i te wā nei.
- He kaumātua, he minita rānei nō tētahi whare karakia, temepara, whare kōrana, whare karakia hūrae rānei.
- He āpiha e mahi ana i te ope taua, he āpiha pirihimana, tētahi āpiha kāwanatanga matua
12. Ngā haepapa tiaki ākonga (mō ngā Kaiutu Utunga anake)
Ngā Ākonga Utu Utunga whai Whakawāteatanga kia Kuraina i te Kāinga
Me whakahere tonu rawa te matua, kaitiaki ā-ture rānei i te ahunga whānui o te mātauranga, tae atu ki te tiakinga, ki tā te ture e kī ai, o ngā ākonga pupuri whakawāteatanga i te whakauru ki roto i tētahi kura rēhita.
Ngā Ākonga Utu Utunga me tētahi Kura
Me whakahere tonu rawa te kaiwhakarato whakauru i te ākonga i te ahunga whānui o te mātauranga, tae atu ki te tiakinga, ki tā te Tāhuhu o Te Mātauranga e kī ai.