Kaimanaaki
Ka whakawhiwhia ngā ākonga ukiuki i tētahi kaimanaaki, ā, mēnā e mahi NCEA ana, ka whakawhiwhia hoki he kaiako. Ko ngā kaimanaaki ngā tāngata ka noho hei pou tautoko matua.
Ka āwhina te kaimanaaki i te ākonga mai i te tīmatanga ki te whakamahine i ā rātou mahere ako whaiaro. Ko te mahi a te kaimanaaki he waihanga i tētahi huarahi mahi, huarahi manawaroa ako mā te ākonga. He maha ngā āhuatanga ka whakakotahitia hei whakatutuki i te ako ā ia ākonga.
E tino whai tikanga ana te hononga ki tō kaimanaaki i runga anō i ngā whāinga a te takitahi, ngā hiahia, i te kōwhiringa kaupapa me te whai huarahi ki ngā āheinga ako me ngā ara rapu mahi. Ka tautokona te hātepe whakawhanake mahere whaiaro e My Korowai. He kaupapa tuihono a My Korowai hei ārahi i te ākonga ki te toha, ki te whakawhanake me te huritao i ōna hiahia ako me ōna whāinga i roto i My Te Kura.
Ka whakatenatena Te Kura i ngā whānau/kaimanaaki me ngā kaiako ki te waihanga i ngā tino hononga e tautoko ana i te akoranga.