Hononga

« Tau 1-10

Ka hono ngā marau-hanumi i ngā horopaki, ngā wāhanga ako o Te Marautanga o Aotearoa me te Tāhūrangi mā roto mai i ngā whakaaro whānui. I te wā e hōhonu ana te ruku a te ākonga i ngā horopaki hononga me ngā wāhanga ako, ka toro atu ia ki ōna mātauranga o mua, ki ōna pūkenga me ōna wheako whaiaro hei whakawhanake mātauranga hou, pūkenga hou e mārama ai ia ki a ia anō, ki tōna huarahi ako hoki.

Ko te mātauranga Māori te tūāpapa o ngā akoranga kei roto i te Hononga. Kua whakaritea ngā akoranga i roto i ngā horopaki e rima, ā, e wātea ana te ākonga ki te kōwhiri mai i ngā kōwhiringa ako ō roto i ēnei horopaki e rima. Ko te wāhi pai hei tīmata i te marau-hanumi ko te matapaki me tō Kaimanaaki.

E wātea ana ngā kōwhiringa Hononga ki ngā ākonga ukiuki tae atu ki te tau 10.

Tuakiritanga me te Kanorautanga

Ka aro tēnei horopaki ki te tūhura tuakiritanga, kanorautanga me ngā whaikahatanga. Ka whai wāhi katoa ēnei ki te huarahi e para ana tātou mō ō tātou whaioranga.

Kirirarautanga me te Kaitiakitanga

Ka arotahi tēnei horopaki ki te taiao, te toitūtanga me ngā mahi ka mahia e tātou i runga anō i te mea he tāngata kaikoha he tāngata takohanga tātou ā-rohe, ā-motu, ā-ao.

Whanaungatanga me te Manaakitanga

Ka arotahi tēnei horopaki ki ngā whakawhanaungatanga o te tāngata takitahi, ngā rōpū me ngā hapori i runga anō i tō tātou whakawhanaunga, whakahoahoa ki a tātou anō.

Oranga tonutanga me te Whakapuāwai

Ka arotahi tēnei horopaki ki te hauora torowhānui o te tangata takitahi, o ngā rōpū me ngā hapori me te waihanga tūāpapa pakari hoki e puāwai ai te tangata.

Rangatiratanga me te Hononga

Ka arotahi tēnei horopaki ki te hononga, ki te tino rangatiratanga me te rangatiratanga. Ka tāpiri atu hoki i te mana taurite, haumaru, ngā kohinga mōtika, ngā whaiaro me ngā haepapa.