Huinga Ako
Ko te Huinga Ako te wāhi me te mokowā e āhei ai ngā ākonga ki te hono ki ētahi atu ākonga me ō rātou kaimanaaki. Ka whakahaeretia ngā Huinga Ako mā te tuihono, kanohi ki te kanohi rānei. Ka tū ia wiki, ia rua wiki rānei. He wahi mahitahi, he wāhi pārekareka, he wāhi e hono ai ngā ākonga ki ō rātou hoa, ki te whakamahere, ki te huritao ki ngā mahere ako whaiaro, ki te waihanga rautaki, pūkenga e angitu ai, e ora pai ai. He wāhi hoki e tohaina ai ngā angitutanga, ngā tutukitanga. E whakanuia ai, e whakamihia ai ngā mahi. E mōhio ana mātou he mea tino whakaohooho ngā hiahia o te ākonga ki te hono me te rōpū. Kua kī mai ngā ākonga ki a mātou, he nui ngā hua kua puta e whai pānga ana ki tō rātou akoranga me ō rātou wheako i Te Kura mā te haere ki te Huinga Ako.