Mō tēnei paetukutuku

Te Tūmataiti me te Ture

Ka kohikohi ka pupuri hoki mātou i ētahi mōhiohio mā tā mātou paetukutuku. Ki a mātou he mea nui e mōhio ana koe ki ngā momo mōhiohio ka kohikohia e mātou, ngā take e kohikohia ai, ki ngā āhua e whakamahia ai.

Ina haere atu koe ki tā mātou paetukutuku, ka tuhia e tā mātou tūmau tō toro me te tuhituhi i ēnei mōhiohio ki tētahi rangitaki:

Ka kohikohia ēnei mōhiohio kia taea ai e mātou te tātari me te whakapai ake i te ratonga o tēnei paetukutuku. Ka kohikohia anō hoki he mōhiohio mā te whakamahi pihikete (he kōnae iti ka rokirokia e tō pūtirotiro ki te puku mārō o to rorohiko).

Nō te mea e whakarato ihirangi hihiri ana tā mātou paetukutuku me mōhio tā mātou tūmau kei hea koe i tā mātou paetukutuku, ki te tauwāhi hoki e hiahia ana ki te haere ki reira. Ka mahia tēnei mā te tautohu i tō rorohiko ki tētahi pihikete. Ka taea pea ngā pihikete te mono mā te huri i te tautuhinga i tō pūtirotiro. Ki te oti tēnei i a koe, tērā pea kāore pea e taea ngā taumahinga katoa o tēnei paetukutuku te whakamahi.

Ka hiahia pea ngā kaitoro ki tā mātou paetukutuku te tuku i tētahi puka whakakī, īmēra rānei ki a mātou mai i tā mātou paetukutuku. Ka tuhia anake e mātou tō wāhitau īmēra mēnā ka tuku mai koe i tētahi karere. Hei āwhina i a mātou ki te urupare ki a koe, ka puritia pea ngā mōhiohio ka homai koe.

Ka whakamahia anake ō mōhiohio whaiaro mō ngā pūtake i whakaratohia ai, ā, ki te whakawhitiwhiti hoki ki a koe. Ka whai wāhi pea ki tēnei te tiritiri i aua mōhiohio ki ētahi atu umanga whai pānga. E kore mātou e whāki ngā mōhiohio me te kore whiwhi i tō whakaaetanga i mua, hāunga ngā wā e whakamanahia ana, e whakaritea ana rānei e te ture.

Mēnā e pupuri mōhiohio ana mātou me whakatika ki tō whakaaro, whakapā mahi ki te Āpiha Tūmataiti, info@tekura.school.nz

Ka whai hononga tēnei paetukutuku ki ētahi atu paetukutuku. Kāore Te Kura e kawe te takohanga mō ngā ritenga tūmataiti o ērā atu pāetukutuku. Ko tā mātou e whakaaro ana, me pānui koe i ngā tauākī tūmataiti o aua paetukutuku.

Ngā mōhiohio ākonga

Ka whakarite pea ngā ākonga e mahi tuihono ana mā tā mātou paetukutuku te tāpae ā-matihiko ngā mahi me ngā taipitopito. Mō ngā mahi whakaako ā-rā, mō te whakahōu pūkete ākonga pea ngā take. E mohio ana mātou kia haumaru tā mātou tiaki i aua mōhiohio, ina whai whakaarohia ngā tatauranga ā-iwi o ā mātou ākonga.

E whakapau kaha ana mātou ki te tiaki i te matatapu o ngā kōrero whaiaro o ngā tāngata me ngā rōpū e mahi pēnei ana mā tēnei mea, te urunga e parea ana ki te kupuhipa. Mēnā ko koe he ākonga e whakamahi ana i tēnei paetukutuku, kei a koe te takohanga kia noho matatapu tō takiuru kaiwhakamahi me tō kupuhipa.

He wā anō ka hiahia pea mātou ki te whakaatu i ngā mahi ākonga, ngā tuemi ākonga rānei e pai ana hei kawerongo. Ka whakamahia anake te mahi ākonga me te whakaaetanga o te ākonga nāna ta mahi.

Te tōtika o ngā ihirangi me ngā hononga kuputoro

He tōtika ngā mōhiohio kei tēnei paetukutuku i te wā whakaputa, ā, e tino whakapau kaha ana mātou ki te whakarite kia hou tonu, kia tōtika tonu ngā mōhiohio. Ka hurihia, ka mukua, ka tāpiritia e mātou ngā mōhiohio kei runga i tēnei paetukutuku i ngā wā katoa me te kore whakamōhio i mua. Ka taea tō keteroki pūtirotiro te tāmata (te wāhi e puritia rangitahitia ai ngā raraunga e uru auautia ai mō te urunga tere) hei whakarite kia kite ai koe i ngā whārangi tino hou rawa.

Te manatā me ngā mihi

Manatā © Te Aho o Te Kura Pounamu, haunga ngā wāhi e tautuhia ana nā ētahi atu kaipupuri manatā.

Whakapā mai

Hei whakatika i ngā kupu mihi, hei whakamōhio mai rānei ki ngā hapa, me whakapā ki te Āpiha Manatārua i info@tekura.school.nz

Ngā īmēra paetukutuku: webmaster@tekura.school.nz