Tukanga amuamu
E tāria ana ō whakahokinga kōrero mō ā mātou ratonga, ā, e whakatenatena ana mātou kia whakapā tika mai koe mēnā he āwangawanga ōu ki te ratonga i whiwhi koe.
Mēnā he ākonga koe, te matua/kaitirotiro o tētahi ākonga, matapakia ōu āwangawanga ki tō kaitohutohu ako, ki te kaiwhakahaere ā-rohe e hāngai ana. Ki te kore e taea tō āwangawanga te whakatau, ki te pīrangi rānei ki te tuku i te amuamu ōkawa, tēnā tuhia mahi ā-tuhi kia taea ai e mātou te tirotiro me te whakahoki kōrero ki a koe.
Me uru ki roto i te amuamu ā-tuhi he whakamāramatanga me ngā pūtake mō te amuamu me ngā mōhiohio, taunakitanga tautoko rānei. Mō ētahi atu mōhiohio, pānuitia tā mātou Kaupapahere Amuamu.
Ngā Ture Mātauranga (Whakatina Tangata) 2017
I mana ētahi ture hou i te Hereturikōkā 2017 tērā e whakarite kia whakamōhio, kia aroturuki me te tuku pūrongo mō te whakamahi i te whakatina tangata.
Me whakamahi i tēnei tukanga amuamu ki te hiahia koe ki te tuku amuamu mō tētahi mahi whakatina tangata e pā ana ki tō tamaiti, ki a koe anō rānei.
Tukuna tō amuamu ā-tuhi ki:
Te tari Tumu Whakarae
Te Aho o Te Kura Pounamu
Pouaka Motuhake 39992
Wellington Mail Centre
Lower Hutt 5045
Tērā rānei, ka āhei te īmēra i tō amuamu te whakapā rānei ki a Regan Dooley i te 0800 65 99 88 (toronga 8343).