Ā tātou kaimahi
He nui ake i te iwa rau ngā kaimahi a Te Kura i te motu katoa. E āwhiwhi ana i te rima rau kaiako, i te rua rau rima tekau tūranga mātanga me ngā kaimahi tautoko anō hoki. Ka tū ngā mātanga me ngā kaitautoko hei kaiāwhina, hei kaiārahi hoki mō ngā rāngai āwhina o roto i ngā kura.
I te 2008 ka whakaritea ētehi tari me ētehi huinga ako puta noa i a Aotearoa. Ko tō mātou aronganui ko te whakapakari i ngā hononga ā-ākonga, ō rātou whānau me ō rātou hapori anō hoki. Nā te whakapiki i te rahinga o ngā kaimahi puta noa i te motu i āhei ai mātau ki te tuku āwhina whaiaro ā-kanohi.
Ngā rōpū ā-rohe me ngā hui tohutohu
Kua whakarōpūtia ā mātou kaitohutohu ako, kaiako hoki ki ngā rōpū ā-rohe e whā – Te Raki, Te Raki ki Waenga, Ko Waenga ki te Tonga, me Te Tonga (te katoa o Te Waipounamu).
Kei Pipitea, kei Te Whanganui-a-Tara, te tari tino rahi rawa o Te Kura. He tari ā-rohe ō mātou i Tāmaki Makaurau, i Ōtautahi me Kirikiriroa. He tari hoki kei roto i ngā rohe, kei ngā wāhi pēnei i Whāngārei, Tauranga, Te Papaioea me Whakatū, ā, e tautoko ana aua tari i ngā mahi paetata me ngā hononga i roto i ngā hapori ākonga.
Te hanganga kaimahi
Ko tā ngā tari ā-rohe he whakarato kāinga mahi mā ngā kaiako o aua rohe. Kei roto i ngā kaimahi ā-rohe ko ngā kaiwhakahaere ā-rohe me ngā kairuruku hononga e mahi ana i te taha o ngā hapori me ngā tari kāwanatanga, ngā kura me ngā kaiwhakarato mātauranga kē ki te ruruku i ngā kōkiri ā-rohe hei whakapiki ake i te whai wāhitanga me ngā paetae a ngā ākonga. E āta mahi ana ā mātou kaiako takawaenga i te taha o ngā ākonga me ō rātou whānau ki te whakarato tautoko tāpiri ina hiahiatia.
E arahina ana ngā kaimahi o Te Kura e te rōpū kaihautū matua.
Wāhanga
Kua wehea Te Kura ki ngā wāhanga e toru:
Ngā Ratonga Ākonga
E whā ngā rōpū whakaako ā-rohe, he rōpū mātauranga kōhungahunga, he rōpū whakawhanake, he rōpū marautanga me te rōpū ako tuihono.
Ngā Mahi Whakahaere me ngā Whakatutukinga
Ngā ratonga whakauru, ngā ratonga pūmanawa tangata, te ōhanga, te rōpū rauemi mōhiohio (hangarau mōhiohio), ngā ratonga arapāho me te tohatoha.
Te Tari Tumu Whakarae
Ngā mahi whakawhitiwhiti, ngā whakatutukinga whakahaere, te whakamahere, te tuku pūrongo me te tautoko mō te Poari Kaitiaki.