Mātauranga Kōhungahunga
Kei raro nei ētahi pātai e pātai auautia ana e ngā kaitirotiro. Mēnā he pātai anō āu, whakapā mai.
Me pēhea te whakahoki i tētahi tukunga ki a au?
Me rau atu ngā tuemi hei whakahoki ki roto i te pēke kirihou i mua i te puru atu ki roto i te peke kānawehi. Huripokina te kāri wāhinoho kia kitea ai te wāhinoho o Te Kura i te matapihi o te peke kānawehi.
Ka ahatia mēnā ka ngaro, ka pakaru rānei ngā rauemi me whakahoki?
E mōhio ana mātou he wā anō ka pakaru, ka ngaro rānei ētahi tuemi. Whakahokia noatia mai ngā tuemi katoa kei a koe, tae atu ki ērā kua pakaru, ko ērā rānei e ngaro ai ētahi wāhanga. Ka whakamihia he koha moni hei āwhina ki te whakakapi i aua tuemi. Tērā pea ka tuku te whare pukapuka o Te Kura i te nama motuhake mō ētahi pukapuka kua ngaro, kua tūkinotia rānei.
Me pēhea te whakapā ki te kaiako o tāku tamaiti?
E wātea ana koe ki te whakapā ki te kaiako o tō tamaiti me ngā pātai, kōrero rānei e hiahia ana ki te whakaputa mō tōna hōtaka ako. Ko te nama waea koreutu a Te Kura ko te 0800 65 99 88. Ki te mōhio koe ki te tau toronga mō te kaiako, ka taea te waea tika atu. Ki te mōhio ki te ingoa o te kaiako, engari kāore e mōhio ki te tau toronga, mā ngā kaimahi taupaepae koe e hono atu.
Ki te kore e āta mōhio ki te ingoa o te kaiako, tonoa ngā kaimahi taupaepae ki te hono i a koe ki te ratonga Kōhungahunga e taea ai e tētahi koe te āwhina. He ara whaitake anō te tuku īmēra ki te kaiako o tō tamaiti. Ka taea tō īmēra te tae atu ki a ia mā te whakamahi i te hōputu ingoatuatahi.ingoawhānau@tekura.school.nz
Ka taea te kaiako o taku tamaiti te tūtaki?
Whakahaere hui ai ngā kaiako i ngā rohe. Kei ngā āhuatanga maha te āhua o te whakatau i te hōtaka hui. Ko tā matou he whakamātau ki te haere ki ngā rohe rerekē i ia tau kia taea ai e ērā whānau kīhai i tae atu i mua te tae mai ki tētahi hui. E whakamātau ana ano hoki kia taea aua hui e ngā kaiako he ākonga ā rātou i tētahi rohe ake. Nā te whāiti o tā mātou pūtea mō ngā hui pēnei, ko te tikanga ka tū i ngā rohe kei reira he rōpū o ngā ākonga. Mēnā kei Te Whanganui-a-Tara kōrua ko tō tamaiti, haramai ki konei ki te tūtaki i te kaiako o tō tamaiti.