Ngā mea ka tūmanakohia
Ngā kaiako
Ka huri te tūranga o te kaiako i tō te kaiwhakarato mātauranga ki tō te huawaere akoranga, ā, he wā whakaongaonga tēnei ki te mahi i te rāngai mātauranga. Kei Te Kura nei ko te whakarite me mahi te hunga kaiako me te hangarau matihiko i ia rā, i ia rā.
Te akoranga tuihono
Whakaratoa tuihonotia ai te nuinga o ā mātou akoranga, ā, kō tā mātou whai kia ako tuihono ā mātou ākonga katoa ā te tau 2018. Ko te tūmanako me mahi ā mātou kaiako ki te tokomaha o ngā ākonga, ā, kāore rātou e mahi ana anake hei mātanga marau.
Te mahi me te hangarau
Ko te tūmanako, kia tau ngā kaiako ki te mahi me te hangarau. Kei roto i taua hangarau ko te whakamahi i te pūnaha whakahaere ākonga, i tā mātou taiao ako tuihono (Tōku Kura), te huinga pūmanawa Microsoft, Google Classroom, ētahi atu taupānga Google me ētahi atu anō. He mea mutunga kore te ako me te tau haere ki ngā hangarau hou mō ngā kaimahi o Te Kura.
Te tūtakitaki ākonga me ō rātou whānau
Ka taea te tūtakitaki ō ākonga kanohi ki te kanohi puta noa i te tau i ngā hui tohutohu, i ngā rā takahanga ā-rohe rānei. Ko te tūmanako kia putuputu ō whakawhitiwhitinga ki ō ākonga, ahakoa tuihono, ahakoa mā te waea, te īmēra rānei.
Ngā kaimahi mātanga, tautoko hoki
Ko te tūmanako ka whiwhi whai wāhitanga ngā kaimahi mātanga, tautoko hoki ki te whakapakari i ō rātou mākohakoha. Kei roto i ēnei ko te taha pūtea, ngā ratonga pūmanawa tāngata, te hangarau Mōhiohio, te whakawhanaketanga tukutuku, ngā whakawhitiwhitinga, me te tohutohu kaupapahere. Ina whakauru mai koe ki Te Kura, ka kōkuhuna koe ki ngā mahi, ka whakangungutia mā ngā pūnaha me te hangarau e whakamahi ai koe.
Ka mahi tahi ā mātou kaimahi mātanga, tautoko hoki me ngā kaiako me ērā atu rōpū mātanga puta noa i te kura.
Ngā kaimahi katoa
Ahakoa te wāhi mahi, e ū ana ngā kaimahi o Te Kura ki te whakarato i tētahi taiao ako tūhonohono, tautoko anō hoki mō ā mātou kaimahi katoa. E uara ana i te rerenga kētanga, me te tatari ki ngā tono i ngā tāngata mai i ngā ahurea katoa.
He kupu tautoko
Kei Te Kura nei e ū ana mātou ki te kume mai i ngā tāngata papai rawa hei āwhina i a mātou ki te whakapuaki i ngā ratonga ikeike mō te whakaako me te tautoko. Ka whakatūria ngā kaimahi katoa e ai ki ō rātou kaiaka, me te mariu ki a rātou he tino pai rawa tō rātou tau ki te tūranga.
Nō mātou te tāwariwari ki te kōwhiri i ā mātou mahi matua; i ngā āhua hoki e whakahaere ai i te wā ki a mātou me ā mātou tukanga.
Rongo ai au i aku hoa mahi i ērā atu kura e kī ana ka kōingotia e rātou ngā mahi tauwhitiwhiti kanohi ki te kanohi mēnā e mahi ana rātou i Te Kura, engari ko tāku he whakatūturu atu kei konei ngā whai wāhitanga e watea ana ki a rātou e hiahia ana ki te mahi i te taha tonu o ā mātou ākonga. Māringanui ko au te kaiako Pāngarau mō Te Kura, ā, ko tōna tikanga ka āhei au te haere atu ki roto i te hapori me te toro ākonga. Ahakoa te iti o aua mahi whakaako kanohi ki te kanohi, ko te mutunga iho kāore au e kōingo ana ki te akomanga.
He mea tino nui rawa te āhei ki te mahi i te taha o tētahi ākonga i tōna anō tere ina whakatauritea ki te whakaako i roto i te akomanga kei reira e 30 ngā ākonga. Tūturu, ka taea te whakaako, te mahi hei kaiwhakaruruhau me te whakatenatena i te ākonga kotahi i te wā kotahi i ngā āhuatanga katoa o tōna oranga.