Ā mātou ākonga
Nō ngā wāhi katoa o Aotearoa ā mātou ākonga, nō ngā momo āhuatanga rerekē anō hoki. Tirohia tā mātou wāhanga whakauru kia mōhio ai he aha ngā momo ākonga e āhei ana ki te whakauru mai ki a mātou.
E noho tino tawhiti ana ētahi o ā mātou ākonga i te kura pātata rawa ki a rātou, e noho ana, e tāpoi ana rānei i tāwāhi. Ko ētahi kē he kaitākaro momoho, he kaiwhakaataata momoho rānei, kāore ō rātou hōtaka whakangungu, whakaharatau rānei e uru pai ki ngā tikanga me ngā mahi ā-rā o ngā kura.
He tokomaha anō hoki ā mātou ākonga kua whakaurua ki a mātou me tētahi atu kura, ā, e whai ana i tētahi akoranga, i ngā akoranga e rua rānei, i tō mātou taha, me te mahi i te nuinga o ā rātou ako i roto i tētahi kura noa, tētahi kura hauora ā-rohe, tētahi pokapū ngohe, tētahi wāhanga mō te taiohi whai tamaiti, tētahi kaiwhakarato mātauranga kē rānei.
Ka āhei ngā ākonga taiohi (16–19 ō rātou tau) me ngā ākonga pakeke te whai i tētahi, i ētahi marau rānei i tō mātou taha.
Pānuitia he kōrero anō mō ā mātou ākonga me ā rātou paetae i tā mātou moheni ā-toru marama, Link Up, i ā mātou wāhanga rongo me ngā mahi ākonga rānei.