Me pēhea te tono
Ka whakamahi mātou i tētahi utauta tāhiko ki te whakahaere tuihono i ā mātou tono tūranga me te whakahaere i te tukanga rapu kaimahi.
Te waihanga i tētahi pūkete
I mua i te tono tūranga mā te pūnaha rapu kaimahi tuihono a te kura, me hanga i te pūkete ki a mātou. Me tuku atu koe mā te ipurangi:
- i tō tāhuhu kōrero
- i tētahi reta whakamārama
- i ērā aru pepa ka hiahiatia (hei tauira, he kōkota mahi).
Ka āwhina tō pūkete i a koe ki te whakahaere i ō mōhiohio whaiaro, me te tuku ki a koe te mana katoa ki te whakahaere i tō tāpaetanga tono tūranga. Ka āhei hoki te whakamahi i tō pūkete ki te unu i tō tono tūranga.
Mō te rēhita, pāwhiritia 'Tono Ināianei' ki raro i te tūranga wātea. Ka ākina koe ki te hanga i tētahi pūkete.
Te hāpono tuakiri
Ka tonoa koe kia whakarato i te hāpono tuakiri i roto i te uiuitanga, nō reira me whakarite kei a koe te hāpono tika. Ka whai wāhi ki te hāpono tika te taunakitanga o te pūkete RealMe, tētahi uruwhenua me tētahi pepa hāpono tuakiri pēnei i te raihana taraiwa, kāri 18+, Kāri Ratonga Hapori rānei.
Ngā mōhiohio anō
Ki te hiahia kōrero anō mō te tūranga wātea i tonoa e koe, ki te hiahia āwhina rānei me te tukanga tono, tēnā me whakapā ki te kaiwhakahaere rapu kaimahi e whakaingoatia ana i roto i te pānui.